भनाइ र भोगाइ बिच जीवन !

कहिले घाम कहिले छाया हो रे जिन्दगी ! घामछाया त समय र मौसमको कुरो हो, एउटा गरीबको घरमा रातको  अन्धकारमा घाम लागोस अनी पो भन्नु! कोहिले जीवन एक यात्रा हो पनि भने, माइक्रो बस मोटरबाइक कहिले पैदल् हिंड्नु पर्ने भये पछी यात्रा त नहुने कुरै भएन! फेरी कोइ भन्छन नाटक हो रे जिन्दगी ! साला, नाटक हो कि सिनेमा हो, त्यो त बनाउनेलाई थाहा होला ! खैर यो त सब भन्ने कुराहरु हुन ! जीवनको वास्तविकता त केवल भोग्नेलाई मात्र थाहा होला! धेरै फिलोसोफी छोड्न थाल्यो यस्ले भन्नु होला !

म भन्छु जीवन फगत एक बाध्यता अनी तुलना ( कम्पेरिजन ) बाहेक अरु केही होइन ! यात्रा होस् या नाटक सुरु देखी अन्त्य सम्म बाध्यता अनी तुलना मात्रै!

ल भन्नुस् त रहरले स्कुल पढ्न जाने को को हुनुहुन्छ ! साथी गयो पढ्न अनी तपाईं नि जानु भो, बाध्यता ! तपाईं फेल हुनुभो, उ पास भो ! तपाईंको निरासाको कारण आफु फेल भन्दा नि उ पास भकोमा हुन्छ, कम्पेरिजन! तपाईं मिहिनेत गर्नुहुन्छ आफु माथि पुग्न हो र ? कि अरु भन्दा तल परिने डरले हो, तपाईंलाई थाहाहोला! फलानो बिदेश पुग्सक्यो आफु यतै हल्लि रा’छु! ढिस्कानोले महिनाको ५० हजार कमाउछ आफु भने जाबो २० हजार ! त्यस्ले हेर्न, २-३ वटी गल्फ्रेन बनाइसक्यो, आफु एउटै बनाउन सकेको हैन! त्यस्ले पि यच डि सकीसक्यो आफु मास्टर्स् नि जोइन गरेको छुइन, जग्गा किनेर घर बनाइसक्यो आफु केही न केही! पाइला पाइला मिनेट मिनेटमा कम्पेरिजन बाहेक केही छैन!

तुलना जरुरी छ तर अरुसँग हैन आँफैसित, हिजोको आफुसित! आफ्ना कमी कम्जोरी कती सुधारिये,आफ्नो कार्यछेत्रमा कती इम्प्रोभ गरे, आदी ! घोडासँग तुलना गर्न खोजेर गधा कहिले घोडा हुन्छ र ! अल्बर्ट आइन्स्टाइन फेरी कोइ दोस्रो ब्यक्ती हुन्छ र ? देवकोटा जन्मिन्छन र अर्को ? अरुजस्तै हुन नखोज्नुस् ,जे बन्नुहुन्छ बेग्लै आफु बन्नुहोस् ! सन्तुस्टी र खुशीको अमोघ सुत्र शायद यही नै हो कि ???